Investiturstreit

Dr Inveschtiturschtriit isch en Konflikt zwische em Papschttum und em Heilige Römische Riich um d Vorherrschaft über d Kirche gsii. Er het im ene wiitere Sinn vo 1075 bis 1122 (Wormser Konkordat) duuret. D Hauptfigure debii sind dr Papscht Gregor VII. und dr römisch-dütschi König Heinrich IV. gsii. Das Ganze het nur 20 Jahr nach dr Abschpaltig von de Orthodoxe Kirche vom römische Katholizismus stattgfunde.